Attivitajiet

Update: Wirja ta’ Vari tal-Ġimgħa l-Kbira

Fis-Sala ‘8 ta’ Settembru’ ser issir wirja ta’ vari tal-Ġimgħa l-Kbira xogħol mil-isbaħ tal-artist Għawdxi, Joe Cutajar Zahra. Din il-wirja li hija mtellgħa mid-dilettant tal-vari is-Sur David Buttigieg, magħruf bħala “ta’ San Ġwann” ser tkun qed idaħħalna fl-ispirtu tal-Ġimgħa Mqaddsa, b’dan ix-xogħol tant sabiħ.

Il-Ħamis, 17ta’ Marzu, lejliet il-festa tad-duluri, fis-7:00pm ser tinfetaħ il-wirja mill-President tas-Soċjeta, l-Onor. Dr. Michael Farrugia MD u ser tiġi mbierka mill-Arċipriet Dun David Gauci.

Mis-7:30pm ‘il quddiem, ser ikun hemm il-qrar fil-kazin bħas-snin l-imgħoddija.

Il- Wirja ser tkun miftuħa mil-Ħamis,17ta’ Marzu sa Ħadd il-Għid, 27ta’ Marzu.

Il-ħinijiet tal-ftuħ huwa:

Fost il-Ġimgħa: Bejn il-17:00 u l- 22:00

Ħadd il-Palm (20 ta’ Marzu), Ħamis ix-Xirka (24ta’ Marzu), Ġimgħa l-Kbira (25 ta’ Marzu) u Ħadd il-Għid (27 ta’ Marzu):

Bejn id- 9:00 – 13:00 u bejn il-17:00 u l-22:00

Christian Bianchi.jpg