Aħbarijiet, Festa 2017

L-Ewwel Sibt: Festa 2017

Sbaħna ilkoll illum għal-ewwel sibt tal-Vittorja. L-ewwel Sibt minn 9 bi preparazzjoni għan-novena tal-Festa. Din is-sena sena ħabbat ukoll li jiġi xahrejn  eżatt mil-jum il-Festa għażiża tagħna, il-Festa tal-Vittorja, il-Fesra ta’ Marija Bambina. Dawn is-Sibtijiet huma tradizzjoni tar-raħal tagħna li ilhom ġejjien mil- ewwel festa ta Dun Nerik Cordina Perez bħala Kapillan, fl’ 1927. Dawn tant ġew milqugħa b’entużjażmu li għadna niċċelebrawhom sal-ġurnata tal-illum.  Huwa żmien sabiħ fejn wieħed jibda jiprepara lilhu innifsu bil-ħerqa għal dan iż-żmien sabiħ tal-Festa.

Nħeġġu għaldaqstant Lill membri tas-soċjetà biex kull minn għandu arblu, illum itellgħu bandiera kif ukoll mal-lejl jixgħel il-globu jew it-tubu mal-lejl biex nimmarkaw dan il-jum hekk importanti li jwassalna għal ġranet sbieħ tal-Festa.