30 Sena ta' Mużika - 2018 - 2019, Aħbarijiet, Festa 2019

Il-Faċċata Artistika tal-Każin – L-10 Anniversarju!

Illum il-każin ġie imlibbes il-libsa artistika tiegħu. Libsa, li għalkemm qed nfakkru l-10 anniversarju minn meta żżanżnet, tibqa’ dejjem fuq fomm kulħadd għar-rikezzi artistiċi li hija mogħnija bihom.

L-isbaħ ħaġa li tgħamlilna wisq kburin, hija li mhux biss iddisinjaha u iffinalizaha l-artist ta’ l-akbar ħila Adonai Camilleri Cauchi, iżda wkoll għax ġiet maħduma u mwettqa min-nies tas-soċjetà. Illum il-ġurnata, din il-‘Ġawhra ta’ Qlubna’ mhux biss hija ornament, imma fiha nfisha hija mera tal-ħidma, artistrija, u qalb Naxxarija li tħabbat għal festa tal-patruna tas-soċjetà tagħna, Marija Bambina.