Acoustics for Puttinu – 08/08

Bħala parti minn sensiela ta’ attivitajiet biex nikkomemoraw il-25 sena mit-twaqqif tal-Kummissjoni Żgħażagħ fi ħdan is-soċjetà tagħna, nhar it-Tlieta 8 t’Awwissu fit-8:30pm, proprju xahar qabel il-festa, ser isir kunċert fil-pjazza tar-raħal tagħna. Il-kunċert “Acoustics for Puttinu” ser isir biex jinġabru donazzjonijiet għal-Puttinu Cares, li għaliha l-istess kummissjoni għamlet diversi attivitajiet matul dawn l-aħħar snin sabiex tgħinhom.

Waqt dan il-kunċert, li d-dħul tiegħu huwa b’xejn, se jkun hemm il-kantanta Petra flimkien mal-gitarrista Lulu bħala warm-up band biex wara, il-band rinomata Red Electric tagħti kunċert bħala l-headliners ta’ dan l-istess avveniment. Kif jixhed l-isem, l-artisti ħa jkunu kollha qegħdin idoqqu b’mod live u akustiku.

Qabel dan il-kunċert, proprju ftit minuti qabel għal ħabta tat-8:00pm, ser issir inawgurazzjoni ta’ sett pavaljuni tad-dawl ġodda li ser ikunu qed jixgħelu l-eqdem u waħda mill-isbaħ toroq f’pajjiżna, dik ta’ Triq Santa Luċija. Dawn il-pavaljuni saru fuq disinn ta’ Anthony Muscat u maħduma b’mod volontarju mill-istess Kummissjoni Żgħażagħ. Dan il-proġett sar grazzi għall-iskema “Finanzjament Artistiku għall-għaqdiet tal-armar tal-festi, għaqdiet kulturali u għaqdiet soċjali” maħruġ mill-Arts Council Malta. 

Ixxerja Fuq Il-Midja Soċjali

Applika biex tingħaqad magħna u Tkun Membru tas-Soċjetà

Attivitajiet li jmiss

Attivitajiet u Aħbarijiet Relatati

Pavaljuni tal-Ġimgħa Mqaddsa

Id-Dilettanti tan-Nar fi ħdan is-soċjetà qegħdin jerġgħu joħorġu pavaljuni ta’ mal-gallariji relatati mal-Ġimgħa Mqaddsa. Reġa’ hemm żewġ għażliet

Aqra Iktar
Scroll to Top