Tibda l-ħidma għal festa li jmiss, bil-Kummissjoni Żgħażagħ torganizza l-ewwel ikla bħala fund-raiser sabiex issostni l-ispejjeż li ġġib magħhom festa kbira. Nhar il-Ġimgħa 27 t’Ottubru mis-7:30 p.m. ‘il quddiem, iż-żgħażagħ tas-soċjetà ser ikunu qed jorganizzaw ikla Laħam taż-Żiemel ġewwa l-bottegin tal-każin.
Min jixtieq, ser ikun hemm ukoll l-għażla ta’ tiġieġ minflok żiemel. Għal donazzjoni ta’ €18, ser jitqassmu wkoll appetizers u deżerta. Għat-tfal, ser ikun hemm ukoll l-għażla ta’ Burgers jew Chicken Nuggets għal donazzjoni ta’ €8.
Wieħed jista’ jagħmel l-ordni tiegħu, billi jagħmel kuntatt ma’ xi membru tal-Kummissjoni Żgħażagħ jew inkella direttament ma’ Jeremy Bellia fuq 79000389.
