Nhar il-Ġimgħa 8 t’Ottubru, id-dilettanti tan-nar tagħna ser jorganizzaw Pizza Night b’risq ix-xogħol tagħhom. Minħabba ċ-ċirkostanzi preżenti tal-każin, l-ikel ser ikun qed jitqassam bid-delivery jew inkella bħala take-away mill-każin stess, mis-7:00 p.m. ‘il quddiem.
Għal donazzjoni ta’ €13 biss, apparti l-pizza ser jingħata wkoll soft drink u deżerta. Dakinhar ser ikollna wkoll offerta li ma’ 3 pizez, tingħata Pizza Margherita b’xejn.
Pizez ser ikollna:
- BBQ Chicken
- Capriciosa
- Pepperoni
- Margherita
- Tan-Nar Special
Wieħed jista’ jagħmel l-ordni tiegħu, billi jagħmel kuntatt ma’ wieħed mid-dilettanti tan-nar jew inkella ma’ Johann Cortis fuq 99256338.
